Tanıtım Metni:
Zonê Erebki ra çikêk tercumekerdışê zonê Zazaki, gureyêko zehmet o. Çıqas ma ser vınder u hol tercüme bıker zi, rênê tede qusır u nuqsoni vıraziyena.
Zazaki dı heta ınka çiyo ki omeyo nuştış u resawo ma dest, biyero omarıtış zaf niyo, xebatêka zaf nêbiya. O semed ra hem çımeyê nuştışê kıtabon dı lewazımê ma tay o hem zi nuşteyo ki tercumeyê yona zoni beno, herında zonê esıli nêgeno. Erebki, zonê hedison o, yo zi zonê rehberê ma wo ki yı pê qısey u amel kerdo.
Zonê Zazaki dı heta eyro xebatêka hınayın nêvıraziyawa. Pê izınê Homeyi xebata ma, tor xebatonê melayon u seydayonê ma yê verinon ki mewlid, tefsir u diwoni pê zonê Zazaki nuşti; zê ıni xebaton ita ra pê ıno cehd dı bena yo rueşnayi. İnşallah pê ına xebat ita dı yo berêko bıxeyr u newe beno a u xebati zonê ma dewom keni.
