Juliet: Tu çıtır ama itha? Mı ra vaze, tu ça ama itha? Dêsê baxçi jede berjiyê. Dês vejiyayene jede çetıno. Hem tu kama, ala rêye bıfıkiriye! Mordemunê mı ra ke zu tu itha bıvino, baxçe to rê beno mezele!
Romeo: Ez eve perrê esqi vejunê na dêsi ser. Kemer bo ki, kemer bese nêkeno vayê esqi bıvındarno. Seveta esqê to çı nêkonune ke? Na sevet ra qe canê xo medazne. Mordemê to besenêkenê mı bıvındarnê.
Juliet: Eke tu itha bıvinê, tu kısenê!
Romeo: Ax waştiya mı ax! İnamke, tehlikê zerrê çımunê to tehlike ê vist şimşeru ra tenena jedero. Zu riwayisê to her çi rê beso. Na riwayisê to mı qarê ine ra sevekneno.
Juliet: Dina bıdê mı ki, ez nêwazonune ke, tu itha bıvinê.
Romeo: Qe merak meke, perda soni oncina çımunê ine ser, ê mı nêvinenê. Hama to ke zerri mı nêverdana, o waxt wa mı itha bıvinê. Bê esqê to heyat de mendene kıstena ine ra tenana çetına.
