Ez bı bismillahi destı pêkena
Numo şirın ez qê yı destı pêkena
Ma keni hemd u sena ey musluman
Yı do ma Pêğemberi axır zeman
O Ellah o yı hidayet dawı ma
Ni‘meti wêş dini İslam dawı ma
Ni‘meti yı sêr pêrê ni‘metuni
Minneti yi sêr bitun minetuni
La ma imun ardu bı Rebbi ‘ezim
Ma muşeref bi bı Qur‘anı Kerim
Ya ilahi xaliqu erd u sema
Tı muhafize bıkêr bela ra ma
Ma gunehkar çimi ma ho ‘efi tu d’
Umıdê ma ho rehm u ihsani tu d’
Ma imun a berı erdı mehşeri
Muhammêd dım berı hewzê kewseri
